Ingrid Skarstein - Minnetale i kirka

Mildrid Nesheim holdt minnetale for tidligere president Ingrid Skarstein i begravelsen 7. okt. 2016

Kjære familie, kjære venner av Ingrid!
Det vart stilt rundt bordet på rotarymøtet forrige tirsdag da vi fekk meldinga om at Ingrid var død. Stilt og tomt!
Ingrid var ei drivande kraft i Meldal Rotaryklubb!
Ingrid kom inn som medlem i Meldal Rotaryklubb i 2012, og ho utmerka seg med engasjement frå første stund.
I 2014 vart ho president i klubben, og før ho tok på som president var ho på eit innføringskurs om Rotary for komande presidentar, og ho gløda da ho kom att. Ho hadde opplevd kor viktig Rotary er. Både det etiske fundamentet for rotarymedlemmer og påbodet om å gagne andre med det ein gjer. Å gagne andre fall lett for Ingrid, det låg i personlegdomen hennar! Dessutan var ho blitt opptatt av Polio Plus, Rotary International sitt arbeid for å utrydde polio frå alle land i verda. Ho kom stadig inn på kor viktig det var å bidra til dette arbeidet
Ho ville gjere Rotary kjent for folk, og på Bergmannsdagen i 2014 hadde Meldal Rotary stand, og Ingrid bemanna standen heile dagen. Ho syntest det var artig å snakke med folk om Rotary.
Meldal Rotaryklubb feira sine 50 år hausten 2014, og Ingrid gjekk inn i førebuingsarbeidet med all si arbeidsglede, og gjennomførde ein flott 50-årsfest. Vi fekk og presseoppslag på det, både intervju med Ingrid på førehand, og oppslag frå festen.
I tillegg til målsettinga om å gjere Rotary meir kjent, skulle klubben få fleire medlemmer. Og klubben fekk 8 nye medlemmer i Ingrid sin presidentperiode.
Ingrid var ein stor miljøskapar, med smil, ein god replikk og ein herleg latter der ho sat og strikka på møta. Og så laga ho kaker til kaffen på møta – kvar veke, heimebaka kaker, heimelaga is eller vafler, men helst kaker. Det var spennande å kome på møta og sjå kva kake som vart servert, og like godt var det kvar gong.
Da ho hadde slutta som president, vart Ingrid beden om å gå inn som assisterande guvernør i distrikt 2275, Sør-Trøndelag, og ho gledde seg over det. Ho ville så gjerne arbeide vidare med å styrke Rotary og gjere organisasjonen meir kjent. Og ho var på rotarykonferanse i Harstad forrige helg, da ho på turen heim vart sjuk.
Eg vil på vegne av Meldal Rotaryklubb få legge på ei siste helsing, og eg vil og på vegne av distrikt 2275 av Rotary få bære fram ei siste helsing.

Sløyfelesing: Takk for stort engasjement! Meldal Rotaryklubb
                       Takk og farvel. Distrikt 2275 av Rotary.

Fred med minnet ditt, Ingrid!