20. mars: Langtidsopphold i Spania, v/ Per Svinsås

Møtet 20. mars vart halde i nytt møterom, Lille sal, i Orkla Gjestebolig, og der var det plass til 12 personar rundt rundbordet. Dette lokalet høver godt!

3-minutt ved Olav Sigurd Kvaale.

Olav Sigurd starta med å seie at Chr. Thams var lite omtykt i Orkladalen, i alle fall blant enkelte. Men han hadde funne ein song, skrive i 31.12.1892, til ein fest på Strandheim Brug, og det var ein song med sterk hyllest til bedriftseigarane Thams. Olav Sigurd las songen, mange vers – omtrent som ein prolog, og der vart det ikkje spart på godorda.

Per Svinsås var heime på ein snarvisitt frå sitt «vintereksil» i Spania. Når ein er over 75 år, får ein reiseforsikring for 70 dagar, og så må ein heim ein tur, før forsikringa trer i kraft att for nye 70 dagar. Han understreka kor viktig ei god reiseforsikring er, etter sjølvopplevd sjukdom. Han kom inn på privat sjukehus og fekk veldig god behandling og oppfølgjing. Han kom heim etter ei veke, og SOS i København ringde eit par gonger om dagen for å høyre korleis det gjekk, og forsikringsoppgjeret frå Gjensidige kom etter berre få dagar.

Else og Per Svinsås har feriehus i Alpaz del Pi, like ved Albir. Det tar berre fire timar å reise frå Værnes til Alicante, og så er det ein times køyretur til Alpaz del Pi.

Alfaz del Pi har rundt 20.000 innbyggarar, og av desse er halvparten utlendingar på vinteropphald. Av desse 10000 utlendingane er 5000 nordmenn som er registrert. Men det er mange uregistrerte, slik at talet er høgare, så der går det i norsk språk over alt. Folk blir oppfordra til å registrere seg.

Kvifor Spania? «Heilt umulig å være oppi her», sa Per, og viste til farleg glatte vegar og gårdsplassar, snø og kulde. Det var ingen tvil om at det høyna livskvaliteten å vere i Spania om vinteren. Dei hadde fast vekeprogram med golf, gåturar, lunsjtreff m.m. Det var mye og rask hjelp å få, både når det gjaldt bil og husvedlikehald, og det var rimeleg. Ein fekk gjort mye for lite.

Han fortalde at Johan Galtung hadde sagt at Spania er foregangsland når det gjeld klima og miljø, og det er mye vindkraft på den spanske høgsletta.

Per la inn ei sterk anbefaling når det gjaldt å nyte vinteren i Spania!

Publisert av 23. mars 2018