30.10.18. 3-minuttar ved Gunnar Ree.

Gunnar sa han ville «røre» litt om nyheiter han hadde lese den siste tida, og han stoppa opp ved klimautfordringane, ettersom det var lagt fram ein ny klimarapport. Her vart politikarane utfordra, og han viste m.a. til eit forslag om kvotereiser med fly. Han nemnde og ein kronikk i Adressa, skrive av Trygve Lundemo, som hadde godt samvit fordi han sykla til jobben, men så skulle han på feriereise til Hellas, og på flyturen til og frå vart det han hadde spara på jobbsyklinga meir enn ete opp av klimautsleppa frå flyet, og han reiste med dårleg samvit. Lundemo gav i kronikken Martin Luther skulda for det dårlege samvitet, for hadde vi fortsatt vore katolikkar, kunne vi berre gått inn i skriftestolen og dermed vorte fri det dårlege samvitet! Og Gunnar avslutta med spørsmålet: »Kor mye betyr det for miljøet om eg et pølser to gonger eller fire gonger i veka?»

Også denne kveldens møtehaldar var blitt forhindra frå å kome, og Erik T.Loe las vakre dikt av Astrid Krog Halse og av Arne Garborg. Og han utfordra oss på 4-spørsmålsprøven!

Publisert av 1. november 2018